劉雲傑先生從最初喺"怪異集"嘅4格，到"漫畫少年"、再到"段段濃情"，佢啲畫一路都係keep得咁正，終於就爆出咗超紅嘅港漫愛情精裝本"百份百感覺"，令到電影、電視、小說都爭相改編，就算未看過原著漫畫嘅朋友，也都無人唔知"百份百感覺"這個名字，"百份百感覺"就係現代港漫愛情漫畫至尊代表！
劉雲傑嘅係香港極少數能够同時兼顧吸引到男女讀者嘅漫畫家，畫時代訪問祁文傑先生講得無錯，劉雲傑有市場，只但係致命傷係出書太慢，否則以佢嘅畫功、成績必定拍得住目前香港至top嘅馬sir同邱福龍！
"百份百感覺"全套16本，從1992年11月出版第一期至到2007年7月出版16期最後一本，足足用咗15年時間去完成，破盡港漫史上超慢紀錄，但係睇到佢每一格每一頁都係精心畫制，誠意同對畫藝嘅要求、堅持精神己經超越咗一切！可以講係惟一唔會為金錢去加快推出作品嘅本地漫畫家！作為讀者亦一定會深深感受到他那份對畫畫嘅執着、堅持同狂熱，所以一套咁有誠意、堅持、畫功卓越嘅作品，己列為必看必買漫畫！
"百份百感覺"全套16本封面，從1992年11月出版第一期至到2007年7月出版16期，長達15年時間
所有附送海報一覽：
漫畫展超大型海報三張：
小說版，JERRY最後白書，兩集完
許樂自尋煩惱上下集：
FEEL 100%小說版,6集完結
FEEL 100%畫集
預告：畫時代今期會介紹江湖漫畫同司徒劍僑嘅賭書，所以本blog接着就會首次介紹賭書同江湖漫畫
聽過有這樣的一套電影....
回覆刪除[版主回覆07/06/2013 12:01:09]出過幾套電影，又有電視劇集架
我都睇過幾期,但出書太慢了,相信因此也流失不少讀者.
回覆刪除[版主回覆07/06/2013 12:02:51]出得超慢，我都係等出完晒一次過睇
哇 你這裡有很多漫畫啊 百分百感覺 好像有看過。。。
回覆刪除[版主回覆07/06/2013 12:04:59]你好！百分百感覺出過小說、電影、電視同漫畫，所以一定會有些印像
記得由鄭伊健，鄭秀文，梁詠琪做的電影百份百感覺好收得。之後還有套百份百啱feel，算是第二部
回覆刪除[版主回覆07/06/2013 12:08:59]好似係！當年改編呢套書嘅電影甚至類似漫畫都出過唔少！
long time no see,呢排較忙
回覆刪除係lu,我都覺,我當其時都好著迷佢出既每集百分百,覺得佢d畫功好靚,好得,所以我都係每頁都睇得好留心.haha~尤其好like佢畫女仔,好靚!!!
可惜,佢出書真係慢功出細貨,明白到有時真係唔係外人所諗既簡單....之但係....如果慢到....真係會令讀者失望,幾時有架??所以間接造成流失情況都唔係冇可能.....
講開又講,原來佢畫過怪異集架?
[版主回覆07/06/2013 12:17:46]哈哈，好耐冇見啦，近排可好嘛
呢套書出得慢就出晒名啦！不過因為佢畫得靚，妳睇得佢每格都好用心機去畫，所以雖然係等得耐啲，都係值得等
冇錯！佢最初作品係怪異集合訂本內連載唔少！
笫一期已經是好久以前，那92年，我還是平淡，93年，遇上了某人，94年，避生日去了新加波，95年某人離職，96年，再遇但....妳不是一個人，97年，我離職並沒機會给妳再找到我的方法，98年妳利用友人找我，99年我使一切化作沈汐。那些年，我也看Feel！
回覆刪除[版主回覆07/06/2013 12:27:05]北斗兄，那些年，百份百感覺，睇住本書，就如你我身邊經歷嘅故事一樣，雖然曾經遇到，但一切都係要講求緣份同時機......
百份百感覺：現代愛情故事
回覆刪除新著龍虎門：現代武俠故事
[版主回覆07/06/2013 12:30:11]百份百感覺：現代愛情故事，睇咗
新著龍虎門：現代武俠故事，未睇
畫功一流! 誰說這些不是藝術?
回覆刪除[版主回覆07/06/2013 18:51:09]絕對可以當成藝術作品來欣賞
畫功好強，但故事一塌糊塗…
回覆刪除[版主回覆07/08/2013 11:23:46]咁又係
[aaa回覆07/07/2013 19:34:03]鬼咩,編劇換左幾次,最後既故事變到唔似第一代阿寛所作既故事大綱
[版主回覆07/07/2013 10:29:14]主要都係欣賞佢啲畫，故事主編唔係佢，但都唔算差，起碼帶起過熱潮，否則也冇咁多改篇版本
畫功有祖兒的影子
回覆刪除[版主回覆07/07/2013 10:30:36]佢同祖兒我都非常鍾意
星期日在無線播放有關香港漫畫史的《畫時代》，該找你參與介紹。
回覆刪除[版主回覆07/07/2013 10:36:11]都己經有幾個傳媒揾過在下，不過在下認為只係儲嘢又唔係專家，同埋想做好個blog先，所以婉拒咗
劉雲近期的作品都有頭無尾. 要他再寫長篇是不可能了. 為何考慮寫一期玩金裝呢？
回覆刪除《畫時代》出了多少集了呢？
[版主回覆07/07/2013 12:39:47]真係佢啲"超慢"紀錄越來越嚴重到了作品無了期至爛尾程度
畫時代出了大約五六集吧。
劉雲傑筆觸幽雅，與一般連環圖感覺稍異。
回覆刪除[版主回覆07/07/2013 18:20:23]確有分別，偏於寫實同唯美一些，公仔比一般連環圖更討好易入屋
有睇,香港睇黎只有劉生同林祥焜可以畫到潮流路線既漫畫
回覆刪除與其他武打惡俗既漫畫完全唔同,更有幾分藝術感
[aaa回覆07/08/2013 20:55:42]認同
[版主回覆07/08/2013 11:31:02]都差不多了，只有佢兩位可以畫到夠IN夠潮嘅感覺
而劉雲傑嘅風格又真係同大路港漫風格唔同！或者正如多位BLOG友咁講；可以當係藝術咁欣賞角度去睇佢啲畫作
可是FEEL一百最後幾期公仔明顯有變
回覆刪除公仔冇以前咁實感,好似畫得比較平瘦化左
個人對於呢個畫法走勢冇以前咁喜歡
比較喜歡前至中期FEEL一百既畫法
[版主回覆07/09/2013 10:06:10]可能在下對其畫作研究冇你老哥咁深入吧，是否如你所講還要睇更多一些佢嘅近作才能定斷，不過我都係感覺上鍾意佢舊作品多啲
[aaa回覆07/08/2013 20:58:13]係,搞笑多左,呢點可能係作者唔同左,故事唔同左,所以咁畫
可能非戰之罪
另外兄台可有感到劉生近來作畫風格略有不及90年代FEEL一百強勢時畫功好呢?
現在公仔冇以前咁實感,好似畫得比較平瘦化左
[版主回覆07/08/2013 11:36:42]可能係略多咗誇張搞笑嘅Q版畫吧，佢應該注重做返以前咁樣寫實、潮流，從畫功上演譯作品！
FEEL100%最印象深刻是許樂的角色，當然漫畫成功更被拍成電影(^_^)
回覆刪除[版主回覆07/08/2013 11:41:03]許樂係好成功嘅漫畫角色，作者塑造咗一個好人性化就如真人般嘅漫畫人物，係好多漫畫角色都未能達到嘅境界！
當時跟同學總是說這本「年刊」會幾時出新一期
回覆刪除[版主回覆07/08/2013 11:43:17]當年係真唔知幾時先至出到下一期，仲以為實要爛尾添
他還有一本畫集，比上面那本較早出的，那本有沒有買啊
回覆刪除[版主回覆07/08/2013 11:44:42]佢啲畫集在下實會有買，因為係包正嘅保證
佢的短篇刊載於漫畫少年更精彩
回覆刪除[版主回覆07/08/2013 11:46:45]最初佢係怪異集內作品己經驚為天人，睇漫畫少年都係睇佢為主
愛情漫畫還是喜歡劉雲傑志文和狄克的多些
回覆刪除[版主回覆07/08/2013 11:49:36]三個都係各有優點，好可惜現在己沒有愛情漫畫，己經好難再睇佢哋畫呢類題材了
只看過電影。
回覆刪除[版主回覆07/08/2013 11:50:15]在下認為睇原著漫畫比電影好睇好多
能够坚持自己的信念去完成自己作品的香港漫画家不多，这部百分百感觉确实值得推荐给未看过港漫的外国读者，这部作品绝对称得上百分百诚意的作品，相信在香港已经找不到第二个刘云了～
回覆刪除[Andy回覆07/11/2013 15:14:56]是啊！真心希望未来能看到更多有质数的港漫～
[版主回覆07/10/2013 23:22:31]冇錯，必須改善過慢同爛尾情况，否則就算空有再好畫技，都好難在今日時勢下繼續出書，至於該如何改善方式真係要靠自己好好諗下，我哋外人都好難俾到切實意見
[Andy回覆07/10/2013 11:10:03]以前就有位出了名的阑尾龍和挂名龍，太多的阑尾作品对漫画家本身并不是一件好事，读者是现实的，尤其是先在的读者并不会有太多的耐心去等待续作的推出，如果许可的话，不妨画完一整套短篇精装漫画才推出市场，最好是以月刊的方式面试更好～
[版主回覆07/10/2013 10:04:42]哈哈，好提議，其實以劉生出書速度同性格，長篇實在不宜亦唔再啱佢，要繼續作畫生涯，一係放棄堅提高出書速度，一係出短篇精裝，權衡利弊當然該揀後者，否則以現今市道，作品出得如此慢又下下爛尾，真係幾難在這行待下去架
[Andy回覆07/09/2013 21:11:26]嗯！曾经在某次的广州动漫节的时候建议过刘云杰先生继续画爱情漫画，真的希望他不要放弃漫画，希望他尝试出版短篇精装漫画，出版类似北条司先生“天使之心”之类的一期一个故事的漫画，这样读者就不用久等了，毕竟肯亲手去画漫画的香港漫画家已经不多了～
[版主回覆07/08/2013 11:56:45]以今日市道都冇乜新人入行機會，所以真係再揾唔到第二個劉雲傑了
香港亦好難再揾到百份百咁堅持咁有誠意嘅漫畫家，希望佢可以出返啲短篇或一兩期完嘅作品，咁大家就唔駛再等咁耐！
當年feel100真的越畫越靚的...
回覆刪除[版主回覆07/10/2013 10:48:24]此套畫得非常精細
嘩嘩嘩................終於講到我至愛嗰本漫畫書喇 , 全套我都有齊哂 , 當初愛上睇.............係因為男女主角畫得好靚仔靚女 , 不過越出越慢 , 等屎我呢個fans 呢~!!
回覆刪除[版主回覆07/10/2013 23:16:26]套書公仔畫得咁有心機，都要等下至得，但一等就要15年先畫晒，不過睇反應大家都係有讚少彈，證明好嘅、用心嘅港漫肯定仲有讀者支持
我也愛看漫畫, 支持本地創作.
回覆刪除[版主回覆07/11/2013 23:15:13]希望本地創作更多高質素好睇嘅漫畫
多年前有出版社(不是文传）推出过百分百感觉数码彩色高清版，可惜买了一期发觉黑线都有点模糊，不像原稿扫描电脑上色的，最终没再买下去了。。。
回覆刪除[Andy回覆07/12/2013 11:45:45]是啊！最好能出到像日本完全版的质数就好了，毕竟好书难求啊～
[版主回覆07/11/2013 23:19:14]哦！有出過數碼高清版嗎？不過唔緊要，我相信此書將來必會再出復刻版！
唔本經典在每次買完新書,都要由第一期再睇起, 因為太耐唔記得講咩
回覆刪除[版主回覆07/14/2013 10:36:52]我都係冇乜記性成日要睇返前幾期啲故事發展先記得內容
test
回覆刪除許樂同Cherry分手果一幕, 用左首英文歌既歌詞做 bg, 不過我覺得如果用Michael Learns To Rock - That's Why You Go Away 呢首會更合適
回覆刪除I won't forget the way you're kissing
回覆刪除The feeling's so strong were lasting for so long
But I'm not the man your heart is missing
That's why you go away I know