1979年至1982年蟬聯動畫最高賞動畫製作人第一位。 1983年獲日本動畫大賞作畫賞。
安彥嘅"機動戰士"動畫原作距今都至少33年，而且是科幻機械大作，幾十年前嘅設定、故事架構己經拍成好多電影、電視，機動戰士高達之名，亞洲以至歐美，無人不曉，日本至殿堂大師級，安彥良和當之無愧！
安彥良和咁多年來作品套套花上心血同時間，出品其實真係不算得多，漫畫本該無彊界，追棒本地馬榮成邱福龍司徒劍僑嘅朋友，實在好難理解怎可以錯過安彥嘅作品？因為目前這幾位己屬現今僅餘港漫主流支柱嘅主筆，都係參照過安彥良和作品而成長！
"機動戰士"大約於十年前安彥開始製作漫畫版大長篇，共長達4800多頁漫畫，共100回，全套單行本23期完，作畫須歷時十年(這比遠比港漫薄裝流水作業式要慢得多)，應該成為安彥良和收山嘅最後紀念大作，以其65歲嘅年紀還堅持畫完這套書，無嘢可以再講，只有向這位大師致敬！
而這次一併介紹埋安彥嘅三本有關"機動戰士"嘅畫集，分別係1982年、2000年及2009年出版，內裏嘅彩圖、畫稿、機械設定誠為漫畫迷必備嘅參考、欣賞同收藏範本！
安彥良和漫畫作品一覧：
《虹色的托洛斯基》 8期完
《亞里安》 5期完
《安東》 3期完
《大國主》 5期完
《神武》 5期完
《王道之狗》 6期完
《MARAYA》 3期(港版只出過3期)
《韃狚TYPEOON》4期完
《蚤之王》 1期完
《庫德之星》 6期完(海豹版)
《金星戰記》 4期完
《機動戰士鋼彈 THE ORIGIN》 23期完
一代暴君 1期完
三本"機動戰士"畫集，彩圖、設定多到爆，畫迷必備寶典！
"機動戰士"共長達4800多頁漫畫，共100回，全套單行本23期完
機動戰士結局篇：
這本機動戰士劇塲版畫集，1982年出版
安彥良和全仕事畫集，2000年出版
機動戰士之外，仲有大量佢其他作品彩圖，本書厚達2、300頁，精彩彩圖不能盡錄！
安彥良和畫集,2009年出版
安彥良和，65歲，作畫中.........
下回：池上遼一
安彥都係我最愛, 當年唔識睇日文(而家都唔識), 已經係大丸追買亞里安, 前後出完5期都好似好多年.
回覆刪除佢近年好似仲有些以近代日本歷史的漫畫, 但暫時香港台灣都唔覺有中文版出.
[版主回覆06/22/2013 10:29:04]我諗都係好大關係，安彥嘅作品題材比較"僻"，其實唔太適合香港市塲，除咗熱門幾套如阿里安、機動之外，其他書在香港成績應該麻，有好幾套嚐試出過但都爛尾，只不過我哋買佢作品係欣賞佢啲畫功同創作漫畫嘅精神，所以唔會計本書內容是否啱睇！
MARAYA港版出得3期，蚤之王只有台版，金星戰紀"新藝社"出過原裝老翻，一套4本，下次都會介紹下。
[Lo回覆06/21/2013 11:38:41]我估銷路可能都有少少關係. 安彥係日本算頂級, 收版稅應該都幾高, 但香港, 除左之前GUNDAM THE ORIGIN 有把握. 其他安彥書好似都收得麻麻.
《MARAYA》 港版斷尾
《蚤之王》 好似無港版?
金星戰紀好似未見過有正版? 都係之前天龍之類.
[版主回覆06/21/2013 10:05:49]麗島夢譚這套書我知喎，但係唔知點解唔出中文版，攞唔到版權，還是認為冇乜銷路
[Lo回覆06/20/2013 21:20:11]唔知呢, 有本叫麗島夢譚, 見JP AMAZON 有4本單行本.
之前睇過少少網上轉載, 好似只係講外國人入日本嘅時代.
[版主回覆06/20/2013 18:52:38]畫功勁、誠意十足，作畫一生嘅漫畫大師，如果唔睇唔去欣賞下呢啲嘅漫畫作品，根本唔稱得上睇過漫畫！
講日本歷史的漫畫，我要再搜尋一下，係咪題材有些敏感所以唔覺有出
彩圖好正~~最正就係作者果張
回覆刪除[版主回覆06/20/2013 18:56:00]我都覺得係，所以放在最尾，等大家體會下真正嘅漫畫大師......
你好嗎?
回覆刪除入離睇吓你個 blog ...
but... sorry 答唔到爹添...hahhaa~~~
[版主回覆06/20/2013 18:57:25]唔緊要，等在下去你個blog答下爹咪得囉
晚安你好程謝謝你探我, 祝福你身體健康幸福快樂
回覆刪除[版主回覆06/21/2013 10:06:29]謝謝，大家咁話
絕對神級 !!
回覆刪除[版主回覆06/21/2013 10:10:18]日本其中一位影響力深遠嘅大師，地位無可取替！
真係一位值得尊祟的漫畫大師！
回覆刪除[版主回覆06/21/2013 10:12:58]其中一位影響香港深遠嘅日漫大師，睇下有幾多高達迷就知啦！
程兄, 近期安彥老師又出左本高達30年前原稿畫集!
回覆刪除[版主回覆06/23/2013 11:42:30]即刻去入番本先
[池上遼一粉絲回覆06/22/2013 11:49:24]我入左, 去我個BLOG及吓, 朗豪坊10樓最平, 平信和HK$35
[版主回覆06/22/2013 10:31:41]又出咗原稿畫集？點解信和未見到賣嘅？不過無論平貴都要入番本！
看安彦先生的作品是一种享受，安彦先生能够亲手完成GUNDAM THE ORIGIN的连载就已经是个非常伟大的成就了，不知道远在香港的马荣成和黄玉郎先生会不会亲自完成自己未完成的代表作呢？
回覆刪除[版主回覆06/26/2013 20:34:46]係！每個成功嘅畫家都該有自己一套特訂嘅風格，而係可以吸引到讀者追看的，而他們這些成功嘅漫畫家通常個人風格都係會好突出與別不同才能够成為成功嘅漫畫家，andy兄你所講嘅那些就是最佳例子
[Andy回覆06/26/2013 18:00:39]马sir最具代表作的作品非“中华英雄”莫属了，黄生的代表作一定是“小流氓”及早期的“龙虎门”，这些作品只要一看画风就知道是属于哪位漫画家的作品了，成功的漫画家一定拥有自己特色的画风，手冢治虫，永安巧，池上辽一，安彦良和，安达充，北条司，上官小宝，崔成安，汗民，上官小强，早期的邱福龍等等。。。。
[版主回覆06/24/2013 09:54:41]只有好似安彥專心一致、努力貫徹始終咁做漫畫，對漫畫界將來先至有希望！當係一盤生意咁做落去，下下講效率賺到盡，sorry！只能維持一段時期嘅熱潮，好難長期發展。
馬sir嘅成就同代表作，我只選中華英雄！黃生嘅代表作，我只揀小流氓龍虎門，非常可惜是他們這兩套書最終都非由他們親手去完成，咁又唔知算唔算完美嘅代表作
[Andy回覆06/23/2013 14:32:51]安彦良和先生现在都还在画漫画与插画，安彦良和先生尝试过各类题材的漫画，对自己制作的动画电影都是一丝不苟的，虽然不多，但绝对都是经典的动画电影，确实相信安彦良和先生会画到最后一天，这才是值得尊敬的艺术家。
马Sir一定会说风云完结篇是他人生最大的成就，是他有生以来作画最久的一部连载作品，24年以来从不间断的画着同一部漫画。
黄生一定会说即将出版的“神兵问天”是他出道50周年最具代表性的作品，50周年的功力全部倾注在这本不朽巨著，不看是读者的损失～
[版主回覆06/23/2013 12:03:20]相信安彥良和先生直到最後一天嘅畫作都係咁精彩、百份百出自自己手筆嘅作品！
而黃sir嘅代表作，相信己經係70年代嘅事了、馬sir嘅代表作己經係80年代嘅事了，不過黃sir馬sir套代表作都非由自己去完結的，一套唔係由頭到尾自己去完成嘅"代表作"，不知咁又算唔算幾搞笑呢？之後還有可能有代表作嗎？？看來幾難了，現在？佢哋只係顧住做緊經營緊一盤生意多啲啫
[Andy回覆06/22/2013 22:24:08]当初出版的时候，拿着第一期确实有点激动，看到安彦先生的人设真的很感动，没有退步，只有画的更好（第一本特别版有附送一本设定集），这套巨著确实完成了无数喜欢Gundam的读者的心愿。
如果拿他们俩现在的作品来当他们的代表作确实没有说服力，一点代表性都没有，一个停留在80年代初期，一个停留在90年代初期，不知道他们会否对自己从事漫画多年而没有一套完整的代表作而耿耿于怀或将来抱憾终生呢？
[版主回覆06/22/2013 10:49:10]能够在近60歲之齡完成這套咁經典嘅機動戰士漫畫，完全咗幾多漫畫迷、追隨者心願！
至於遠在香港兩位代表作，既一早己非自己經手，又沒完沒了咁拖拖拉長，根本出唔到一生一套完完整整嘅代表作，越係咁沒完沒了搞落去，彈嘅同離棄嘅人越多，所謂"代表作"只會越來越模糊越無代表性。
大師⋯
回覆刪除神級⋯
巨匠⋯
[版主回覆06/22/2013 10:54:00]60幾歲仍然一貫如往咁畫畫嘅，應該得到12分尊重！
安彥先生的畫絕對經典~他畫的夏亞大人,難忘!
回覆刪除[版主回覆06/22/2013 10:57:19]安彥先生機動戰士高達這概念，要比橫掃全球票房嘅"變形金剛"早上幾十年出現！
強國漫畫有無收藏？
回覆刪除[版主回覆06/22/2013 11:04:27]細細個時睇過大堆强國小人書，最鍾意係西遊記西廂記同三國演義，高峯時儲過一大箱超過三百本强國小人書，後來因為地方不足，最早丟掉嘅就包括一大箱強國小人書，後來才知這些國產漫畫本本都升價千倍呀
馮志明司徒劍僑等風格都好受他感染，不過與老師正宗風格一拍，真是沒有得比
回覆刪除[版主回覆06/22/2013 11:11:16]果時參考下佢啲畫風嘅本地畫家好普遍，佢兩位就咁被讀者接受一路出作品畫到依家，成為最受歡迎本地漫畫人之一，都該多謝聲當初參考嘅安彥...
當然我就最喜歡他的(機動戰士)啦
回覆刪除[版主回覆06/22/2013 11:12:22]機動戰士就代表咗安彥良和嘅成就！
中間那一本我有呀，裏面的畫作實在非常精采
回覆刪除[版主回覆06/23/2013 12:05:37]冇錯，入面真係幅幅都係精心傑作，版版精采
我實在太 .... 鍾意機動戰士這個故事！由當年係電視睇，到後來不同版本的影帶、影碟都買過幾套，直至而家都係咁迷佢。近年大熱既 EVA 雖然話加入左 New Age 既原素，但戲軌都跳唔出機動戰士既框框 - 失落少年、科學狂父親、由對戰爭的抗拒變為合理化、新類型人種 ..... 其實日本同類型動畫都係機動戰士的變奏，相信因為那些作者都係自小睇機動戰士大，唔多唔少都受影響。
回覆刪除我無睇過漫畫版，唔知同電視版分別大唔大呢？
[版主回覆06/24/2013 10:04:36]機動戰士的確係當年男仔必睇嘅經典電視，各款機動戰士形像、造型、款式一路影响到這一代，不同嘅動畫漫畫电影還在持續推出，似乎熱潮還未消退，犀利！
漫畫版都係剛剛出完不久，我也剛儲齊，所以還未知同電視版有什麼分別，希望找個適當時間好好地一次過睇完吧！
真係大師!
回覆刪除阿里安好啱我口味,
機動吋戰士重出簡直係藝術品!
[偉回覆06/25/2013 12:43:43]同意天白兄所講，老師重出的機動戰士真係無得頂，老師絕對係老而彌堅。
[版主回覆06/24/2013 18:42:44]咁多年前嘅阿里安同最近完成嘅機動戰士，都係一樣咁精彩
”安彥良和，65歲，作畫中.........“ 讓我激動又感動！
回覆刪除[版主回覆06/26/2013 20:36:20]所以在下覺得安彥先生特別值得尊重
作品充滿魅力的動漫界大師級人馬~!!
回覆刪除[版主回覆06/26/2013 20:38:30]都好多謝佢曾經帶給我們美好嘅回憶
安彥良和先生，真真正正已臻化境的大師！
回覆刪除[版主回覆07/02/2013 11:39:36]永遠係至尊級大師