2013年5月23日 星期四

上官小强。壽星仔part 4 之 壽與天齊

壽星仔係港漫70年代最長壽漫畫之一,跨越70-90年代。
201期至300期嘅壽星仔,其實步入咗非常成熟隱定嘅時期,可以講啲內容同故事都好好睇,而正因壽星仔內容故事可以時空穿梭、隨意發揮,天馬行空,所以長畫長有唔會覺得題材重覆。因為當時期鬼書大行其道,於是睇到壽星仔故事加入大量神鬼魔幻嘅元素,有咗大量搞笑式神鬼魔幻故事,實為壽星仔獨有!
除此以外,壽星仔內容還有小强信箱、漫畫消息、漫畫人介紹,而讀者投稿專欄就包括咗唔少其後加入漫畫界成為主筆嘅初登之場,甘小文亦有大量早期短篇作品登於壽星仔之內!
282期開始,壽星仔內嘅人物角色更出獨立一頁故事如:和尚仔新篇、華應蟲手記、火蔴仁傳奇、肥婆四故事等等,陪我哋渡過咗80年代歲月!

以下為201-300期封面,其中有唔少過癮得意之作,同時刋登埋壽星仔月曆,當中有邱福龍、祖兒嘅壽星仔作品,更加唔好錯過官小强與馬仔黃玉郎等遊日本特輯、小强訪問池上遼一、藤子不二雄特輯!
200-300期在下尚欠三本,若然之後找到就會在此補回所欠嘅封面!
































































上官小强、邱福龍、祖兒"壽星仔"月曆:











建君黄偉建投稿"壽星仔",其後成為"俠骨神鑑"主筆


梁偉家,家家初投稿於壽星仔內,其後成為主筆....


刋於壽星仔內北京陳、建君早期4格


好小子早期刋於壽星仔內短篇


200-300期內有大量甘小文短篇,其中黐線西遊係最多頁數,近十張稿架!


壽星仔內角色獨立發展成為個人一頁短篇,有和尚仔新篇、華應蟲手記、火蔴仁傳奇、肥婆四故事等等.......







小强遊日本特輯,時間約係85年....


認得這幅相入面係都係邊個?個個出名架,兩日後開估



壽星仔小强訪問藤子不二雄特輯


壽星仔小强走訪池上遼一特輯


壽星仔小强生日特輯


認唔認得誰人到賀呢?兩日後開估.......
左起:馮志明、馬仔、小強、黄國興、唔識


呢三個係乜水?!左右係兩大笑匠甘小文黃興豬!


小强話順便登埋其他friend啲生日喎


羣星祝賀壽星仔第300期1973-1986年,壽與天齊





下回預告:戇男

22 則留言:

  1. 我都鐘意睇壽星仔,但就好少睇佢的鬼故.
    [版主回覆05/23/2013 21:18:50]壽星仔內咁多鬼故,都係滙入咗搞笑元素少驚嚇,所以只此一家別無分號架

    回覆刪除
  2. 珍貴
    [版主回覆05/23/2013 21:19:39]早些期數就比較少見啲啲

    回覆刪除
  3. 您有好多珍藏喎!有沒有上萬本呀!
    [版主回覆05/23/2013 21:23:57]唔只上萬本,但真係不論平貴嘅書在下都會視為"珍藏"

    回覆刪除
  4. 感謝蒞臨敝博客。來這裡見到各位漫畫家們團結開心,令我想起~
    一個很喜畫關公、武將軍的小學同學,如果他真的能在畫事上成就,生計無憂就好了!
    [版主回覆05/24/2013 13:47:22]果時同一間公司,時移世易,現時己經各散東西,大半己經退出了漫畫界,相片只能成追憶

    回覆刪除
  5. 壽星仔,好睇!
    [版主回覆05/24/2013 13:47:58]李小龍好好睇

    回覆刪除
  6. 嘩 ! 咁多漫畫 !
    [版主回覆05/24/2013 13:49:19]此處正在建立一座漫畫之林

    回覆刪除
  7. 可以睇埋作者的近照,是很受讀者歡迎!
    [版主回覆05/24/2013 13:51:01]作者平易近人,比較受歡迎啲,讀者亦鍾意睇

    回覆刪除
  8. 「無謂的愛」,個題材幾吸引,一定笑中有淚!
    [版主回覆05/24/2013 13:54:01]都係好搞笑嘅故事,兩集完

    回覆刪除
  9. 好正啊! 有乜漫畫唔識要搵你喇? 讚!
    [版主回覆05/24/2013 14:05:10]有好多書唔係我個年代就未必知架

    回覆刪除
  10. 我未睇過壽星仔...它的主題是否以靈異為主呢?!!
    [版主回覆05/24/2013 14:13:07]其實以搞笑抵死為主,主角同啲角色可以出現在古代、現代或者係未來架,主要係睇果期係講乜嘢故事,所以內容可以係武俠、偵探、靈異、科幻、神鬼,當時興乜嘢主題就畫乜嘢,所以一路畫咗成500幾集!

    回覆刪除
  11. 我唔鐘意佢d公仔啊!唔靚嘅!
    [版主回覆05/24/2013 15:11:06]公仔唔靚,但係好搞笑低死好得意,妳睇我個嘜頭都係佢

    回覆刪除
  12. 程兄的港漫收藏太豐富了,堪稱殖民地時期的流行文化寶藏,羨慕羨慕。
    [版主回覆05/25/2013 09:57:15]百了兄過獎了,港漫確是殖民地時期的流行文化嘅標誌之一,除了幾款大路嘅漫畫之外,實在還有大量被人遺忘忽略嘅港漫,隨着時日耗損,己經變得越來越少,這些滄海遺珠,希望除了在下之外,還有更多朋友加入保存嘅行列吧!

    回覆刪除
  13. 齋睇封面都過癮。
    [版主回覆05/25/2013 09:59:02]我都係咁話!呢啲咁特別嘅封面係壽星仔至有!

    回覆刪除
  14. 池上遼一訪問, 正呀~!! 可以Scan 俾我嗎?請問一下.....
    [lark回覆05/26/2013 14:46:20]收到啦...但d字好矇,算啦,多謝晒~!!
    [版主回覆05/26/2013 11:17:31]收到嘛
    [lark回覆05/25/2013 16:46:51]paoluckman@yahoo.com.hk

    Thanks~!!
    [版主回覆05/25/2013 10:02:57]我冇printer,Scan唔到架,映幅清晰大相send比你就可以,留email啦

    回覆刪除
  15. 原來壽星仔有一大段時間封面都係鬼鬼怪怪,老實講都幾核凸~
    回想起來那段時期的壽星仔我完全冇買冇睇…
    [版主回覆05/26/2013 11:34:43]對比一下前200期,相對201-300期小強參與嘅封面比例係少咗好多,除咗主角人物之外,背景都係交俾助理做,而且鬼怪封面比之前200期大幅增加!不過對於在下黎講就唔係太介意這些封面,可能在下特別鍾意睇鬼怪嘢之故吧,亦引申咗壽星仔當期時正針對鬼故熱潮而製作咗、跨張一些嘅鬼怪封面,我唔會覺得啲封面太"肉酸",但亦同意你同你一樣鍾意200期之前嘅封面更多一些
    [太陽之牙回覆05/25/2013 23:56:33]我唔抗拒鬼怪書,仲好鍾意寫得正的獵奇作品 那段時期冇買壽星仔亦同封面無關…
    [版主回覆05/25/2013 10:10:34]這時期鬼書多人睇,壽星仔就加入咗大量鬼怪故事。不過在下就發覺有些朋友幾抗拒鬼怪書,所以永遠唔會掂,或者當成邪物唔老黎,睇完都會丟晒,但現在21世紀己經無乜所謂啦,啲人屋企打機打怪獸打彊屍都不知幾high

    回覆刪除
  16. 嘩~~相當豐富的
    [版主回覆05/25/2013 13:03:21]係啲書內容够豐富啫

    回覆刪除
  17. 照片揭盅,第一張集體相後排:甘小文、小強、德君、馬sir、少傑、老馮,另外兩張相答案己登於內文

    回覆刪除
  18. 漫畫資料庫,好勁。
    [版主回覆05/26/2013 11:35:43]陸續還有來

    回覆刪除
  19. 我喜歡睇壽星仔,那些相片中一定有個馬榮成,對嗎?
    [版主回覆05/26/2013 11:41:10]冇錯,好多幅相入面都有馬SIR,因為馬SIR做讀者時期,投咗唔少稿係"壽星仔"入面刋登,馬SIR都鍾意睇壽星仔,所以應該同小強好投契下

    回覆刪除
  20. 壽星仔漫畫是陪伴不少人成長漫畫,能成為七十年代最長壽港漫,上官小强功不可抹
    [版主回覆05/26/2013 11:56:10]冇錯!壽星仔可以長壽過中華英雄、玉郎漫畫、刀劍笑這些書,重要係一本搞笑為主、公仔唔够靚仔嘅書,做到500多期認真大奇跡

    回覆刪除
  21. 壽星仔的封面最討人喜歡!咦?狄克生日是在“勞工節”woh!
    [版主回覆05/26/2013 12:02:35]睇見壽星仔啲封面唔知點解特別開心啲

    回覆刪除
  22. 300之前的封面真係勁正,...尤其是217,我見猶憐笑死
    [版主回覆05/28/2013 11:29:14]其實果時兩蚊雞(二手書更平),淨係買個封面睇下都值回票價,都好過現在出什麽特別版動輒幾十蚊本

    回覆刪除