2013年4月5日 星期五

藤子不二雄A。忍者小靈精

叮噹多啦A夢、Q太郎、神奇小子......都係藤子經典大作,就算唔睇日漫嘅朋友,都會知道這幾套頂頂大名嘅作品吧!日漫就永遠存在着這類漫畫作為調劑嘅作用,而且都係極受歡迎同尊重,其影响力不局限於本土,而是達至名揚海外!
忍忍忍忍....藤子不二雄 A嘅另一套名作"忍者小靈精",主題曲深入民心無人不識,"忍者小靈精"書內人物小靈精、健仔、小玲瓏、獅子狗、甘麥基、俏皮猫......耳熟能詳,故事結構簡單,漫畫簡潔易畫,但能瘋魔萬千讀者,是為漫畫至高境界!藤子不二雄嘅作品就有這種魅力!
日本富山縣的冰見市,這裏正是"忍者小靈精"之父藤子不二雄 A 的故鄉,全市有"忍者小靈精"專設火車、人物塑像、博物展品館,充份體驗咗日本政府、市民對漫畫作者嘅尊敬和喜愛!
"忍者小靈精",1964年首連載於漫畫周刋內,較叮噹更早成名,香港TVB無綫於1983年首播"忍者小靈精"卡通,其後文化傳信出版全套共16本"忍者小靈精",直至今時今日相信大家都還記得"忍者小靈精"吧!





1964年作品,全套16本,好多朋友還未出世...












日本富山縣的冰見市嘅小靈精專車、塑像、展品館....






藤子不二雄A

20 則留言:

  1. 忍者小靈精大結局係點?
    [版主回覆04/06/2013 09:57:56]大結局冇乜特別,都係一個短篇故仔,講健仔媽媽記憶返以前鍾意睇嘅漫畫書....

    回覆刪除
  2. 小靈精雖好,我至愛都係多啦A夢
    [版主回覆04/06/2013 09:59:40]小靈精係佢成名作,而多啦A夢係佢最著名作

    回覆刪除
  3. 我好喜歡這齣動畫.
    [版主回覆04/06/2013 10:00:55]係真正啱小朋友嘅卡通片代表!

    回覆刪除
  4. 我都係鐘情叮噹多啲.
    [版主回覆04/06/2013 10:02:09]冇辦法,叮噹實在太多人鍾意太出名啦!

    回覆刪除
  5. 你是超級漫畫迷,
    [版主回覆04/06/2013 10:07:30]我諗仲未算真正漫畫迷,因為在下還有選擇性收藏,而且好少儲埋漫畫週邊產品如手辦、貼紙、兵器、特別版,所以未算"超級",更唔算"瘋狂"

    回覆刪除
  6. 主題曲仲記得點唱~ 又越過高山, 又越過谷...(廣東話版) ^^
    佩服日本可以整架專車俾忍車小靈精~ 相反港鐵肯唔肯整返架
    麥嘜, 老夫子專車呢 ><
    [版主回覆04/06/2013 10:13:18]這首卡通歌真係至尊金曲,我哋細細個己經唱到熟
    日本在對待"漫畫"這方面嘅專注同認真程度,真係冇得比!香港政府唯一做到嘅就係設咗一絛漫畫星光大道。

    回覆刪除
  7. 好正,日系漫畫影响我們很大
    [版主回覆04/07/2013 10:09:03]同意!日漫影响力好大,唔只對香港!

    回覆刪除
  8. 忍者小靈精,我對這些日漫,在那個時候我已甚少去睇,但還是能深入人心,這真是了不起!
    [版主回覆04/07/2013 09:45:51]好似叮噹、忍者小靈精呢類漫畫,即使你唔去睇,都一定會從唔同渠道接收到佢嘅訊息、聽過佢啲主題曲,呢啲就係佢潛在力能!同一啲無聲無息出完便消失嘅漫畫有好大分別!

    回覆刪除
  9. 最中意都係叮噹.
    [版主回覆04/07/2013 09:46:50]叮噹確是日漫之中無可取締嘅作品

    回覆刪除
  10. 睇佢大架!
    [版主回覆04/07/2013 09:49:31]藤子嘅叮噹、Q太郎、神奇小子、忍者小靈精等,陪伴着一代又一代小朋友成長

    回覆刪除
  11. 最懷念是那首主題曲:又遇過高山又遇過谷,忍者身體似飛機,天空任意飛.......
    [版主回覆04/07/2013 09:52:43]套書賣得,連帶套卡通收得,主題曲都一樣令人難忘,代表呢套作品威力有幾强大!

    回覆刪除
  12. 漫畫王都有個港版的! ^^
    [版主回覆04/07/2013 18:50:18]記得好似有叮噹,由小威畫,但唔記得還有小靈精。

    回覆刪除
  13. YES,我好LIKE忍者小靈精,Q太郎同神奇小子架,反而叮噹就麻麻地!!
    我好少睇漫畫,多數睇毛線播,好好睇囉!
    最遺憾係我買唔返忍者同神奇小子既玩具,想懷念吓囉嘻嘻~
    [版主回覆04/08/2013 13:29:38]其實四套作品都好好睇各有特式,果時呢幾套電視卡通片真係好多人追看,我哋印像深刻,現在睇返真係勾起唔少回憶架!
    若果你鍾意儲公仔,我諗這些公仔、玩具俾你見到實唔會放過

    回覆刪除
  14. 我印像還有怪物小王子、超能力魔美、奇天烈百科全書等等
    [版主回覆04/08/2013 13:31:37]你講得啱,還有這幾套,只係稍後冇咁熱門,我遲些都會介紹下。

    回覆刪除
  15. 当年电视播其动画,每晚必收看。而八十年代初,卡乐B薯片送卡通咭,包括《忍者小灵精》、《叮噹》、《IQ博士》。《忍者小灵精》的咭背面介绍忍术,而《叮噹》的就介绍法宝。
    [版主回覆04/09/2013 09:38:39]犀利!卡樂B送卡通咭金兄都記得!我剩係記得"乖乖"當年每包送小玩具咋!
    當年這幾部卡通全部大熱,冇乜小朋友未睇過,今時今日這些人物這些漫畫己經成為我們童年回憶嘅一部份,所以依家儲返嘅唔係一套書咁簡單,而係一啲美好嘅回憶

    回覆刪除
  16. 又一經典,正!
    話時話忍者小靈精結局係咩?
    [版主回覆04/09/2013 09:44:38]"忍者小靈精"確是己經成為經典
    結局最後一篇其實並無特別,也無完結聲明,只係普通一篇短篇故事,這類沒有結局、樣完未完嘅書,隨時可以伸延再畫之外,亦給予大家想像與期待

    回覆刪除
  17. 當年因為這套卡通片,使我愛上了忍者 。當年筆和筆盒都有忍者圖案
    [版主回覆04/10/2013 09:59:59]藤子嘅漫畫改篇卡通,都會成為大熱,小靈精也不例外,簡單得意嘅造型,留下嘅印像卻是深刻!帶給我們不少回憶!

    回覆刪除
  18. 好可愛的忍者小靈精呀
    [版主回覆04/10/2013 10:00:57]古怪得意本事又可愛,正

    回覆刪除
  19. 很多80後的男男女女,都是叮噹迷!
    ”又越過高山,又越過谷!”叮噹嚟啦!藤子不二雄,創造了一個嶄新的漫畫高峰!
    [版主回覆04/13/2013 10:31:09]藤子不二雄所創造嘅漫畫角色,確己成為經典卡通代表,例如叮噹系列電影在日本己突破一億入場人次嘅最高日本紀錄,更成為日本申辦2020奧運大使!

    回覆刪除
  20. 这套文传版的我也有买,小时候也买过“漫画王”里连载过的山寨版“忍者小灵精”的单行本,藤子不二雄先生的作品都是让人爱不释手的~
    [版主回覆04/16/2013 13:32:55]這就是源於對作品對漫畫和對讀者嘅尊重!幾時要買返一本舊日漫來重温返都非難事,各種新舊版本齊備,圖書館亦有,相反喺香港要揾返本舊港漫睇,除龍虎門中華英雄熱門之外,其他好難揾返,或是期數殘缺不全.....因為除咗小部份儲漫畫書之外,根本冇人會關心賣剩舊書如何處置,最終都變廢紙!
    [Andy回覆04/16/2013 11:21:29]日漫的复刻版真的做的很好,除了少部分失去原稿才采用复印版,基本上都是采用原稿印刷的,而且也会在书上标明哪些是没有原稿的复印版,港漫的复刻版就直接拿扫描版来出版,封面也用PS去掉文字来处理(旧龍),港漫的故事也只局限于一小部分的读者,所以就越卖越差了~
    [版主回覆04/15/2013 10:57:02]咁經典出名嘅漫畫,點都要儲返套!藤子先生嘅作品係有其吸引之處!港漫就係欠缺這類適合大小朋友睇嘅漫畫,所以藤子不二雄嘅書在香港、以至在亞洲不愁冇人買,再三復刻都有銷路!

    回覆刪除