2013年2月18日 星期一

司徒劍僑。超神Z、畫集、年曆

講到港漫科幻漫畫,不得不提司徒劍僑,佢嘅科幻作品喺港漫當中都算係代表者,而佢咁多套作品之中,又該以1993年這套"超神Z"為其代表之作!
這套書無論係質、量、心機、時間、制作、口碑、以至銷量上都係咁成功,係其中一套讀者不容錯過嘅港漫佳作,所以在本BLOG亦不能缺少介紹這套書!
"超神Z"第一輯1-10期完結,但第二輯就不知什麽原因只出得一本,因為這套書幾賣得,所以也出了唔少週邊產品,包括畫集、月曆、POSTER、閃咭等.....
相信好大部份朋友都有KEEP這套書或己睇過,套書內文就唔再多落墨介紹了,就登返多啲本畫集同月曆嘅靚靚彩圖.......

司徒劍僑部份作品目錄:

1984年:萍踪俠影錄1-2期
1984年:戰神1-3期
1984年:幻影迷離1-6期
1986年:貓眼兒(短篇)
1986年:戀愛你好嗎(短篇)
1986年:跳駒(短篇)
1987年:死亡的呼喚(短篇)
1987年:八仙伏妖
1988年:吸血女美夕
1988年:赤煞
1988年:八仙伏妖(妖魔鬼怪)
1988年:破邪(妖魔鬼怪)
1988年:狼童(妖魔鬼怪)
1989年:殺劍1-39期
1990年:賭聖1-158期
1992年:超神序章
1993年:超神Z  1-10期
1996年:超魔危機1-7期















超神第二輯只出過一本、


SD超神


超神Z畫集












 超神月曆



黑白原稿部:






月曆彩圖:



92年超神序章








16 則留言:

  1. 其實最正係序章,人設非常正,可惜當時比玉郎告所以當正式出時就要全部改哂,真可惜!!
    [版主回覆02/18/2013 18:49:43]本序章好正架,又賣到好平,啲人物設定與之後正式嘅超神有好多改動,攞嚟對比一下都幾特別

    回覆刪除
  2. 超神Z當年打崩頭搶購,人人驚買唔到。
    卻在十年後,唔知邊度鑽出一批貨,每本十元,各大書報攤有售。
    [版主回覆02/18/2013 18:54:46]當時個個都爭住買幾本黎珍藏,又有較貴嘅特別版,可能有人以為值得投資,買多咗keep住,點知這套書人人有買出得多,惟有打折回吐

    回覆刪除
  3. 如果劍橋同馬榮成一樣咁勤力,相信成就超高。
    [版主回覆02/18/2013 18:57:16]可以睇到若佢係慢工出細貨可以畫到好靚,出週刋太趕就影响咗畫面囉

    回覆刪除
  4. 畫功當然系好,不过内容普通。
    當年刀剑笑、中華英雄,就兩者皆佳。
    [版主回覆02/19/2013 12:22:54]畫功、內容是旦佔一,己經算係好嘅漫畫,兩者兼得當然就更完美

    回覆刪除
  5. 啲公仔畫得幾靚.
    [版主回覆02/20/2013 10:27:48]這套書落足時間同心機,所以特別靚啲!

    回覆刪除
  6. 這套書我也喜歡,記得朋友買了後借我看,我也看得津津樂道,聽說當年書展很多人因為它而去逼呢~
    不過有讚也有彈,出了三四期後, 個人覺得故事走向平凡了....
    [版主回覆02/20/2013 10:30:59]係!開頭係好好睇,後期維持度就差咗,通常漫畫都有咁樣通病

    回覆刪除
  7. 見你左方有些日漫的漫畫家名字,但未見有文章,我都期待你有機會介紹他們
    [版主回覆02/20/2013 10:39:57]在本blog分類欄己有名字嘅漫畫家,都係我比較主力收藏對像,都係有好多作品會介紹,只係時間問題

    回覆刪除
  8. 這套劍僑畫得好靚,十期就好似短了一點
    [版主回覆02/20/2013 10:41:29]其實佢第二輯己經開咗頭,但係唔知乜原因冇咗下文

    回覆刪除
  9. 司徒腥d畫巧令啊!
    [版主回覆02/21/2013 10:34:41]佢啲公仔若慢慢比心機畫,可以畫到好靚!

    回覆刪除
  10. 多年前買過司徒的書一本,年前執書時送了給救世軍。
    司徒的畫風和人物造形,是否太似安彥良和的?
    [版主回覆02/21/2013 10:38:21]司徒生啲畫風咪係來自安彥良和同美樹本晴彥囉

    回覆刪除
  11. 第一期個封面,真係經典!
    [版主回覆02/21/2013 10:42:39]第一期真係落足時間同心機製作,所以畫得特別正!若佢啲作品本本可以keep到咁樣,成就肯定更高!

    回覆刪除
  12. 我只得一本92年超神序章。好過無。

    [版主回覆02/24/2013 10:20:44]其實現在套超神還有好多貨源,賣到好平,要買返完全冇難度

    回覆刪除
  13. 这套漫画是当年漫画店搞特价的时候买的,好像是一本马币10元,但是放了10多年都还没去看啊!序章和画集都有买,其他的就没看过了~
    [版主回覆02/25/2013 18:38:48]是啊,這套書佢落足20成功力。同時印有台灣同香港價錢,都係正版。
    [Andy回覆02/24/2013 21:03:03]呵呵!这套算是剑侨最有诚意的作品了,印数多应该是刘定坚的主意吧!我买这套是有印上台湾价钱的~
    [版主回覆02/24/2013 14:53:50]這套書印量多,所以到而家好平都買得到,畫得唔錯製作認真,算是劍僑嘅代表作!

    回覆刪除
  14. 超神當年我當年都有買, 雖然個尾麻麻地, 但起碼叫冇爛尾...
    [版主回覆02/28/2013 12:12:52]真係幾好彩冇爛尾架

    回覆刪除
  15. 我有一套平價版, 封面不是厚咭紙, 是當年自由人晚期在書展內重出的版本, $25本好低!!
    [版主回覆03/08/2013 11:19:50]$25本好低,不過而家有啲二手價好多一套賣都唔駛$200,貨源好多下。

    回覆刪除
  16. 超魔危機唔係劍僑係黃偉儀同廖光祖
    [Jim Lai回覆04/03/2013 15:01:41]原本超魔唔係咁架,依本劍僑最多都係修倆個主角d頭
    [版主回覆04/02/2013 13:16:31]咁我要摷返套書出黎睇睇至得!

    回覆刪除