2013年2月21日 星期四

李志清。超能力


這本算係清兒相當早期嘅個人單行本,1984年9月出版。
清兒對於畫神鬼怪異類題材甚有心得,早期時亦以畫這類題材大受歡迎,這部初期個人作品"超能力"講述擁有超能力嘅少年童非得到魔法老人幫助啓發潛在超能力與"黑魔"對抗,故事好簡單,但公仔以當年一位新人主筆黎講畫得都相當唔錯。自此經過多年之後,佢嘅作品三國誌打入日本市場、近年幫政府畫道路安全宣傳漫畫、又成為漫畫星光大道嘅其中一位漫畫家......今天我哋睇返佢早期這本"超能力",有否看到一些蛛絲馬跡啓示到佢後期嘅成功呢?

















13 則留言:

  1. 姓李的,多成功人仕。
    [版主回覆02/21/2013 15:57:04]我最鍾意嘅成功人士係李小龍

    回覆刪除
  2. 以30年前水準來就,實在畫得不錯!
    [版主回覆02/22/2013 12:28:48]我都比較鍾意佢初期嘅漫畫,尤其係啲神鬼題材類

    回覆刪除
  3. 咁快成30年了!
    [版主回覆02/22/2013 12:32:18]30年眨眼就過,以前睇過嘅這本書原來不經不過己超過了三份一人生

    回覆刪除
  4. 清兒出過唔少書,畫鬼故事書最好睇
    [版主回覆02/22/2013 12:33:52]佢以前在怪異集、猛鬼冤魂內嘅連載就非常好睇

    回覆刪除
  5. 身體比例、風位、打網畫得非常好,老實,三國志的畫反不及以前的好。
    [版主回覆02/23/2013 11:53:20]我都覺得佢最初嘅比後期畫得好,可能清兒適宜畫鬼故、歷史故事,但畫武打就欠缺些少

    回覆刪除
  6. 北斗18,哈哈哈哈。哈哈哈哈。
    [版主回覆02/23/2013 11:54:02]有新嘢?去觀摩下先

    回覆刪除
  7. 青兒早期的畫都好有馬仔的影子.
    [版主回覆02/23/2013 11:55:33]睇返呢本,的確係有唔少馬仔影子喎。

    回覆刪除
  8. 一直都覺得李志清的「成功」符符碌碌…
    風格抄完馬榮成之後再抄鄭問,而家抄埋幾米,毫無創造力可言。佢從來未創作出能傳頌一時,廣受讀者歡迎的作品或角色!連有金庸小說做藍本,郭靖黃蓉都寫唔出性格兼成日畫到走樣。
    星光大道投票得票極低,不過係協會黑箱作業保送佢當選。
    所謂打入日本市場,只係「三國志」而唔係「李志清」…
    [Andy回覆02/26/2013 15:27:36]对啊!希望李生多听取读者的意见,放多点心机慢慢做好画稿的质量才推出市场,不应该为了出版而忽略了作品的质量,有质量的漫画,读者一定会支持的~
    [版主回覆02/24/2013 14:34:28]清兒係適合畫慢工出細貨,太趕做出來就麻麻,而畫名著往往真係吃力唔討好,之前又真係好多主筆畫過金庸作品,但係冇個做得好!
    不過這裡大家嘅意見相信清兒老師都應該見得到聽得見,好多資深讀者都係由最初睇着李生出道同畫畫,俾意見都係想見到努力同改善啫
    [Andy回覆02/24/2013 10:49:58]个人觉得清兒在“三国志”之后的漫画作品都很“行货”,“三国志”时期最好的漫画应该是黑白精装漫画“感惊世界”了,最痛心的是“射雕英雄传”里的杨康和欧阳克的人设了,作为金庸先生日本版小说御用封面大师,不应该设计出这么没水准的人设,“笑傲江湖”则连当年在“如来神掌”连载的“一代剑王”都不如(希望没记错书名)~
    [版主回覆02/23/2013 12:15:40]清兒嘅射雕、笑傲,的確好失望畫唔到原著百份一精彩!
    但係清兒又真係幾幸運,首先可以獲日本指定畫三國誌、再有水滸傳、孔子論語,返到香港自然入到星光大道,再有大量機會,開畫展、幫政府畫道路安全漫畫,登上各大報紙!但係我唔認為佢所有都係符碌嘅,起碼佢嘅"水墨"好得,佢初期畫嘅鬼故係好好睇,我都係睇咗佢啲鬼書之後儲佢啲作品。只係之後嘅一些長篇作品令人失望咗,但若佢係比足心機同時間去畫嘢,唔會太差嘅

    回覆刪除
  9. 角色穿高腰褲, 見證一個年代衣著潮流。
    [版主回覆02/24/2013 10:04:19]80年代距離現在己經是三份一個世紀,啲衣著都够晒懷舊

    回覆刪除
  10. f封面彩圖是清兒的長項.
    [版主回覆02/24/2013 10:05:25]佢畫一幅幅啲彩圖、水彩都唔錯嘅

    回覆刪除
  11. 您有好多珍藏品 woo。
    [StoryTeller回覆03/06/2013 19:28:55]千金難買心頭嗜嗎!
    [版主回覆02/24/2013 10:16:49]其實我冷門熱門、平貴、新書舊書都係咁儲,這裡好多登出黎嘅喺一啲"收藏家"眼中未必值得一晒,不過我會盡量將每一本書每一套書平等對待,全部予以"珍重"視之

    回覆刪除
  12. 早晨呀:謝謝您!我祝您元宵節快樂!祝您蛇年行大運!事事順心順意!身體安康永伴隨!
    [版主回覆02/24/2013 14:55:53]你好!元宵節怏樂、蛇年行大運

    回覆刪除
  13. 好少見,當年清兒已好有功力;祝程兄新春大吉,蛇年行大運,身體健康
    [版主回覆02/27/2013 10:42:30]這本早年所畫感覺返而更好!oiman兄新年快樂、事事如意

    回覆刪除