而這兩本畫集真係相隔咗好多好多年後技癢才出，由加拿大出版社出版。
美人動態圖係一本純用鉛筆素描式繪畫，崔大師畫女仔面相、動態、形姿之靚及神似，我喺香港揾唔到邊位漫畫家畫女仔可以靚得過崔大師，唔少香港漫畫家提筆去畫好一幅女仔是好有難度，相反可以感受到崔大帥佢可以以筆觸好輕鬆流暢就畫得出靚嘅人像，畫男像與女仔像都揮灑自如，對佢完全無難度！高手之中嘅高手！
這本畫冊"美人動態圖"出得極小量，甚至這本未見過賣任何廣告宣傳，相信只係作為崔大師同fans之間嘅交流作品，絕對唔係為賺錢，因為出得唔多，所以佢本本都簽晒名！
另一本"太極拳"畫冊更係佢多年後復出嘅首本個人作品，並請來黃玉郎祁文傑何韻詩寫序；
黃玉郎在序中以"好朋友"相稱，內容大概係讚揚佢係好識享受人生嘅人，而雕刻、海報創造、園藝等各方面都係專家級！真人結合漫畫風格更是無人能及，更提到兩人結伴潛水嘅往事。
這本"太極拳"畫冊，主要是以漫畫連環圖方式去介紹太極拳嘅各種招式套路，相信跟住佢本書自學太極拳都可以的，不過要等到可以攞生果金嘅年紀先，因為果時該有空閑耍下太極
今次崔成安出書，黄生寫序，禮尚往來也
祁文傑
曾幫徐小鳳演唱會做過舞台設計......
習太極拳名家：金庸、梁羽生....
隨書附送太極拳口訣VCD
非賣品小冊子：吳式太極拳35式
下回預告：李志清
我愛三點式女郞！
回覆刪除[版主回覆01/19/2013 18:40:52]咁呢本有幾十幅三點式靚女就啱你喇
畫功好，但他的個人著作卻不多，甚為可惜
回覆刪除[版主回覆01/20/2013 11:01:52]的確唔多，而且套套作品都唔係大賣，不過我欣賞係佢嘅畫功
崔老師畫電影海報一絕！
回覆刪除[版主回覆01/20/2013 11:04:08]佢啲電影海報設計真太正80年代畫咗唔少著名電影海報，相信好多人都見過！
陶傑在光明頂講香港漫畫，有無聽呀！
回覆刪除http://www.youtube.com/watch?v=PJpWvT8antE
[秋葉阿姨回覆01/24/2013 12:16:21]我都想聽吓呀！
[版主回覆01/20/2013 12:57:37]嗰晚我聽咗後一半，多謝你揾返成段比我聽返
謝謝你回應我啊! 原來你是漫畫迷, 謝謝分享!
回覆刪除[版主回覆01/20/2013 13:06:31]冇錯，得閑喜歡睇下漫畫咁
啲美人動態都好健美，是一貫的風格吧！
回覆刪除[版主回覆01/21/2013 10:19:53]係崔大師一貫風格，佢畫嘅人體比例一向好標準
不知崔成安有多少本個人作品? 我只有他畫的<小姐>和<威龍猛探>
回覆刪除[版主回覆01/21/2013 10:30:28]還有天龍小子、紙猴、白髮魔女傳，還有早期細書、近年出咗四、五本個人畫集，包括今期這兩本。還有最大量係佢早年喺"玉郎電視"內所連載嘅大量作品，好多都未有再復刻過。
出書出碟教太極拳,淨係個公仔就已經夠吸引.
回覆刪除[版主回覆01/21/2013 18:58:47]我諗係佢極愛太極，先至促使佢出書。而以公仔形式教太極，係比較簡單易學啲
崔成安先生和阮大勇先生可算是香港国宝级插画大师，一直都很渴望崔成安先生能为古龙或金庸作品画封面和插图，相信这个机会都很渺茫～
回覆刪除[Andy回覆01/27/2013 12:40:04]呵呵！万分的期待～
[版主回覆01/24/2013 21:44:53]待我將佢啲散作逐一輯錄成書，就可以公諸於世
[Andy回覆01/24/2013 20:10:19]呵呵！期待程兄分享崔生的作品，我们这些国外的读者有眼福了～
[版主回覆01/24/2013 11:30:37]保留咗好多，但係都還欠好多，希望有機會在此分享介紹
[Andy回覆01/24/2013 10:04:12]程兄有保留到崔生在玉郎电视连载的作品吗？
[版主回覆01/23/2013 20:48:21]係！佢一直在玉郎電視內有連載，以愛情同神鬼題材為主，而且水準好高！
[Andy回覆01/23/2013 20:31:20]我是偶然买玉郎电视才发现有连载崔生的作品，想不到原来已经连载了这么多篇了啊！
[版主回覆01/23/2013 12:51:15]我都認同要找齊崔生嘅作品、海報、插圖、廣告、小說封面，真是天大難事了！因為太雜太廣，崔生在各方面都有作品，所以要儲佢啲嘢認真頭痛
單係小說封面有幾多己經不詳了，就算係以前玉郎电視內連載嘅漫畫，都不下200篇了，當年都好難儲齊，更莫說現在了
[Andy回覆01/23/2013 10:15:28]当年的“小姐”封面最能展现崔生的设计手法，崔生运用了各种不同的美术设计手法为我们炮制了很多很有艺术价值的封面，这才是真正的大师级画家。要收藏崔生的作品真的是一件天大的难事，单是玉郎时期的漫画与插画都已经是相当难了，记得当年玉记出的迪斯尼漫画都有崔生画的插图，玉郎电视也有连载过崔生的短篇漫画，崔生参与的作品分布相当的广，而且要找齐早期的崔生作品更是难上加难，部分早期小说的封面还相当难分辨是否崔生的手笔呢。。。
[版主回覆01/22/2013 18:41:08]其實欣賞崔成安先生嘅漫畫或封面已非單純睇一幅漫畫，而係當睇一幅藝術作品咁去欣賞。可惜佢嘅早年作品如插圖、電影海報、唱片封套、漫畫等等太零散，好難逐一儲齊了
[Andy回覆01/22/2013 15:00:45]个人感觉，崔生画的武侠封面和插图很有武侠感觉，记得他曾经为无线刘德华版“神雕侠侣”画过人设和部分情节插图，在马来西亚的报纸有刊登过，当时我还剪了下来，可惜不知道放到那里了，崔生画的武侠小说封面应该都是很早期的了，相信会很难找，电影海报也一样很难找，只有当年玉郎出版的“玉郎漫画”和“威龙猛探”还可以看到，其他的也只能买影碟看看小图片了～
[版主回覆01/22/2013 10:48:01]為金庸古龍畫插圖，現在似乎難成事，不過崔大師有幫古龍小說畫過封面吧，我都想儲返這些封面。仲有佢以前有好多好靚嘅電影海報，都好想揾返！
有趣~
回覆刪除[版主回覆01/22/2013 10:48:53]多謝到訪
值得收藏 !!
回覆刪除[版主回覆01/22/2013 13:58:54]近年佢啲作品己好少，這些就唔好錯過了
崔成安畫功好高，但我極不喜歡佢嘅用色同筆法。老實講我頗為討厭佢啲畫…
回覆刪除[版主回覆01/23/2013 23:55:40]喜歡與否係好個人嘅，其實就算係漢民黃玉郎利志達的畫都唔係個個欣賞，我就好鍾意佢嘅畫風
崔成安將啲美女畫得好標準，好鬼靚！很喜歡那三張黑白繪圖中間的一張。
回覆刪除[版主回覆01/24/2013 13:00:11]崔成安啲女仔畫得好靚，但最犀利係畫人像、明星百份百相似，真係一絕！
我對本美人圖有興趣一點，嘻~
回覆刪除是否九十代年出版的?
[版主回覆01/24/2013 21:48:27]一定吸引過太極拳都該係2000年後出版，本美人圖有成幾十幅架！
我同下面人仕不同 , 較對太極拳有興趣 .
回覆刪除[版主回覆01/25/2013 12:31:08]這兩本畫集一剛一柔，主題完全不同，大家可以各取所好，而在下則係因崔大師嘅畫功吸引而買書。
两本都完全無印象，可能當年真系無乜出廣告。
回覆刪除[版主回覆02/01/2013 12:33:19]真係無乜出過廣告，因為只各出幾百本！