2013年1月12日 星期六

漢民(柳依依)。蘭閨驚豔、憂鬱的情鴦、情花處處開、點點懺情淚、情歌難忘

作為漢民嘅長期fans，我可以肯定佢係擁有最多不同筆名嘅漫畫家！可能佢精通擅長研究數術命相關係，所以佢漫畫筆名嚐試轉換過甚多，最後才定下以"漢民"為長期筆名，當然"漢民"也就是最終是最成功、最多人認識及寫作了最多的個人作品所用嘅筆名！
不過佢最初還以"柳依依"扮作女畫家，出過了唔少愛情文藝漫書2毫子書仔，而這些書名都極之文藝化，今次就喺本blog首次介紹在下所收藏他以前一些這類2亳子書仔，而更多佢嘅2亳書仔稍後亦會陸續介紹！
今期就先介紹佢幾本極"文藝"、但在現今角度睇又相當"老土"嘅愛情文藝故事，蘭閨驚豔、憂鬱的情鴦、情花處處開、點點懺情淚、情歌難忘....這些70年代嘅漢民作品，內容、畫功未必吸引，但至吸引係這些書嘅懷舊同歷史嘅回味！











 成日睇內文，今期改睇下啲古舊嘅封底同公司廣告.....

有三本係海燕牌，當年電話得6位數字...




飛虎牌，啲公司廣告好"騎呢"


仙姚牌，唔講絕對唔知係公仔書出版社！



下期預告：馬榮成
張貼者： 於
標籤： ,

16 則留言:

  1. Lily2013年1月12日 上午10:54

    嘩~~~ 好珍貴啊!!!
    (他日你發覺數量太多唔想KEEP時, 記得捐給歷史博物館呀~~ )
    [版主回覆01/12/2013 11:17:21]一定會考慮！希望到時妳還喺度做.....兼升級做埋館長就好啦

    回覆刪除
  2. EE2013年1月12日 下午2:09

    什麼年代呀,我未見過嘅
    [版主回覆01/12/2013 18:54:27]係70年代，好耐歷史啦

    回覆刪除
  3. 芹2013年1月12日 晚上7:45

    其實內容會唔會有啲涉及色情嘢呢

    我都好想揾漢民睇相
    [版主回覆01/13/2013 10:03:10]以柳依依為筆名嘅漢民作品係好文藝嘅愛情故事，冇色情！但以"安東尼"為筆名嘅漢民作品就一定兒童不宜了，好多連封面都大膽到露點架！
    揾拒睇相係咪要排隊輪候呢聽講佢都幾發幾受歡迎喎！

    回覆刪除
  4. Yip2013年1月13日 凌晨1:25

    這些書名都好深奧,現在漫畫不會看見了！
    [版主回覆01/13/2013 10:05:57]依家啲書真係改唔出咁嘅名！一來好艱深，二來咁嘅書名肯定冇晒銷路

    回覆刪除
  5. WALLACE2013年1月13日 上午9:58

    嘩咁你都有極之厲害
    [版主回覆01/13/2013 10:46:10]你都好厲害喇，你啲書我大把都冇

    回覆刪除
  6. 雙贏2013年1月13日 下午1:49

    他那堆兩角文藝沒出200也有150，量多得不是你我可以估計
    [版主回覆01/13/2013 18:40:23]若果加埋佢啲2毫鬼書、有色書、合訂本，就根本冇人知道出過幾多了

    回覆刪除
  7. Peter2013年1月13日 下午2:16

    真的很有歷史感, 懷舊之情油然而生!
    那年代的衣服仍很保守啊.
    [版主回覆01/13/2013 18:44:58]啲舊書所畫嘅服飾頭飾，都反映埋嗰時代嘅流行裝束，所以都好有懷舊feel架

    回覆刪除
  8. 毛豆2013年1月13日 晚上10:09

    嘩...呢d漫畫書見都未見過呀..係咪古董黎架啦....
    d人物既髮型 , 服飾,化妝都好特別呢...
    [版主回覆01/14/2013 10:52:12]70年代啲時裝漫畫，所以髮型 , 服飾E+睇幾特別！

    回覆刪除
  9. 傻豬2013年1月14日 凌晨12:29

    其實佢有咁多筆名,你怎知係佢黎o既?好叻喎粉絲
    佢d愛情漫畫我就冇睇過啦,佢d鬼故我係幾捧場既.呵呵~
    (其實佢咁擅長鑽研命理風水咁,應該同蘇師傅,阿玲玲姐有計傾架喎kaka~有冇打開門做生意架佢)
    [版主回覆01/14/2013 11:07:19]其實若然係粉絲，佢啲作品唔難認，可以好快睇得出。更何况我有佢幾佰本作品，自然認得啦
    佢畫愛情漫畫冇鬼故咁多人睇，所以收尾改晒畫鬼故。
    同蘇師傅,玲玲姐有冇計傾就不知了，唔係同行如敵國咩

    回覆刪除
  10. 吉孖媽2013年1月14日 上午8:44

    柳依依…個名好好聽啊！
    [版主回覆01/14/2013 11:09:43]好文藝架，仲有安東呢、小依人、念清清、上官夢妮.....

    回覆刪除
  11. catcity2013年1月14日 下午2:12

    漢民都有幾百本？咁加加埋埋你應有過萬本連環圖喎！
    [版主回覆01/14/2013 18:46:58]....若攞黎本blog逐本介紹單漢民可以寫450篇咯

    回覆刪除
  12. 李大雞 Adam2013年1月14日 下午3:21

    這些是 70 年代出版？與小流氓同期？
    [版主回覆01/14/2013 18:51:23]好似當年玉郎、漢民差不多係同時期畫家，仲一齊喺丁小香間公司做過

    回覆刪除
  13. Albert J2013年1月15日 晚上10:31

    情書當紅的後期, 漢民有無再畫愛情漫畫?
    [版主回覆01/16/2013 09:37:01]80年代麗人、豪放女之後，漢民再無畫愛情漫畫！

    回覆刪除
  14. Stella2013年1月23日 下午6:13

    柳依依的言情漫畫我曾擁有，十多年前連同小流氓和其他的漫畫全部賣掉，$6000！
    [版主回覆01/24/2013 12:49:37]補充：十幾年前可以賣到6k，你批漫畫書係好值錢，若留到現在可能十倍於此價！
    [版主回覆01/23/2013 20:05:30]哎呀！早啲識你就好啦！不過十幾年前可以賣到6k，都唔錯

    回覆刪除
  15. 秋葉阿姨2013年1月24日 中午12:06

    鳳凰姐真是生財有道，珍藏的郵票和漫畫都好值錢。
    我的郵票不捨得賣；小女收藏了很多近幾年的漫畫書，堆積了有好幾個膠箱，視如珍寶。
    如果她肯賣，哈哈，都不俗吧？
    [版主回覆01/24/2013 12:52:47]原來火鳳凰姐是高手，認真是真人不露相
    原來秋葉都有儲郵票，又係同道中人！在下以前都收藏咗好多中港台澳門以至世界各地郵票，有機會交流下
    妳個女啲漫畫書就該叫佢好好收藏

    回覆刪除
  16. 秋葉阿姨2013年1月24日 下午1:09

    樓下的Stella 即是火鳳凰。
    家裡地方淺窄，目前還未能把郵票再加以收拾整理，祇是束之於高閣。有機會真要好好整理。
    至於我儲的郵票都是小學時開始，前幾年間中也有買。不過，定必沒有閣下所藏有的精彩。
    有機會都可以交流見識見識。小女的漫畫，我怎敢動她分毫哩！放心，放心！
    [版主回覆01/24/2013 18:57:28]Stella 是火鳳凰，我知道！
    其實郵票才是在下最喜愛嘅收藏，不過我己荒廢了，主要是因為香港天氣太潮濕，郵票容易發黃，故多年前我己處理賣掉9成，之後才儲返啲漫畫書。難得妳還能一直keep到現在！

    回覆刪除

訂閱： 張貼留言 (Atom)