2012年9月17日 星期一

上官小强的漫畫世界之:濟公系列

上官小强在未出成名作"壽星仔"之前,一路畫下咗極多嘅細書,所引用嘅筆名,亦可算是最多嘅一個漫畫家之一,計有陳少强、凌霄、狄龍、陳小强、陳少林等等...
而作品中除了有佢大量創作出來嘅人物之外,還有一些好熟識嘅抄作角色,超人、獨臂小刀王、十兄弟、小流氓、蝙蝠俠、黃飛鴻、小魔神、孫悟空、哪咤、豬八戒等等大量crossover,是其作品一大特色,同時期主筆漫畫家無出其右者!也正好反映小强當年如何"食腦"去利用將二次創作人物加入其作品內,以吸引及增加其作品吸引度及銷售量!
濟公兩仔爺就是在其筆下世界所形成嘅其中一個系列,小濟公激奀小傻仙、濟公兩仔爺激奀豬八戒....淨係睇書名都够得意啦












背面














下回預告:
以前大度書8開本,如漫畫周刋、2001、漫畫王等等之外,其實還出過唔少其他8開本嘅書種,下期本8開本"時代漫畫"即使我預告咗本書名,但都未必有人見過封面及內文啩

11 則留言:

  1. 下期唔通講「全面擊」?不過呢本內容唔係港漫
    [版主回覆09/17/2012 12:55:39]下期係講本"時代漫畫"唔係"全面擊",不過都唔係港漫黎

    回覆刪除
  2. 不講不知上官小強用咁多個筆名..二次創作..正..
    [版主回覆09/17/2012 18:59:01]上官小強嘅筆名算係最多嘅之一,另外漢民亦有唔少筆名架,甚至比小强更多

    回覆刪除
  3. 莫講話8開本嘅時代漫畫未見過,我連漫畫王都未見過,因為本人是90後
    [版主回覆09/17/2012 19:01:18]係真唔係呀?90後都有齊李小龍同小魔神,咁在下肯定細過你囉

    回覆刪除
  4. 有D睇過
    [版主回覆09/18/2012 10:00:31]咁我估你收埋唔少好嘢

    回覆刪除
  5. 以上有两本注明是三毫的,页数会否多一点?
    [版主回覆09/19/2012 10:04:15]頁數差不多冇多到,亦唔係合訂本。

    回覆刪除
  6. 小強原來這麽早己走搞笑漫畫路線,難怪後來會創作出壽星仔
    [版主回覆09/19/2012 10:08:12]係呀,壽星仔之前佢啲細書己經有唔少搞笑影子,到畫壽星仔時更加係駕輕就熟

    回覆刪除
  7. 我想問你上官小强和上官小寶有冇任何聯繫或關連?
    而你對漫畫的執著和所有的知識,相信你一定曾是漫畫界的漫畫家,可能更是大大有名,對嗎?
    [版主回覆09/19/2012 23:10:32]也曾有朋友邀請過在下參加一些漫畫聚會、加入一些漫畫會社或做會員有贈品之類,都被我一一拒絕了,在此我再次聲明一下了,在下只在於興趣是漫畫書,而其他一切嘅動作或周邊是沒有興趣了
    [版主回覆09/19/2012 23:01:32]上官小强和上官小寶冇關連嘅,但最開始小强嘅名作"壽星仔"係由小寶出版,而佢嘅都各自擁有一套由橫度書過渡至直度書、由70年代一路至90年代,超過500期及1000期嘅壽星仔及李小龍漫畫書。
    在下執著只係儲漫畫,與別人儲古董、儲玩具等一樣嘖啫。另外認識在下嘅都知我並非什麽漫畫家,亦同任何漫畫行內人無關連嘅,以後亦絕對不會扯上任何關連!

    回覆刪除
  8. 也只有同任何漫畫人、漫畫家沒有關連和聯係,在下才可以以一個完全局外人嘅身份專心一意地看漫畫、儲漫畫

    回覆刪除
  9. 有一兩本都看過,幾鍾意強記當年畫的小濟公。
    [版主回覆09/20/2012 12:00:51]強記嘅小濟公造型幾得意,同埋對白好笑漫畫味濃,我都幾鍾意睇

    回覆刪除
  10. 好有趣!
    [版主回覆09/22/2012 11:42:27]強記嘅小濟公幾有趣架

    回覆刪除
  11. 禾又來了
    [版主回覆09/23/2012 08:52:33]歡迎歡迎

    回覆刪除