2012年6月25日 星期一

上官小威(鐵三郎)。小浪子,勇拚天地雙邪

上官小威2亳細書時期用鐵三郎做筆名,亦出過一些類似黄玉郎啲"小"字系列書種,如"小浪子"、"小蛇王"等,
這兩本"小浪子"系列內亦有疑似王小虎、石黑龍、光頭星等人物!
另外,唔知儲開呢啲細書仔嘅朋友知唔知...其實若細心留意呢啲細書內頁,部份出版社會隱藏咗其總發行量數字在書內,例如這本"小浪子勇拚天地雙邪",總印制發行量為1萬3千2百本




















下回預告:清兒李志清作品

8 則留言:

  1. 有時睇人哋post出來嘅資料,唔明點解可以知道當年嘅發行量,原來可以咁樣知道個發行量。
    [版主回覆06/26/2012 08:56:50]冇錯,有啲細書會將印製發行總量印在書頁內側,不過係須要好小心檢查才會發現嘅,直情好似達文西密碼咁樣

    回覆刪除
  2. 啊!密碼原來係書頁內側!
    我番去打開夾萬,摷下我D寶貝李小龍細書,睇下先
    [雙贏回覆06/28/2012 20:53:20]有結果了嗎癲人兄?
    [版主回覆06/26/2012 18:55:33]摷返本第一期睇下揾唔揾到印數,越少越好哩

    回覆刪除
  3. 邊度啊? 搵唔到個發行量數字既? 有無post出黎啊?
    [版主回覆06/27/2012 09:58:41]發行數字有時會印在書頁內側,有時會因被書釘釘實而看不見,不過發行數字不是本本書有印,因有太多出版商又未必每個發行商都咁做

    回覆刪除
  4. 小威出書可能係全行最多......
    [版主回覆06/27/2012 09:59:49]就算唔係至多都係勁多囉

    回覆刪除
  5. 小威係香港產量好多,畫畫年資也好長,但係好多都係幾冷門
    [版主回覆06/27/2012 10:05:54]冇錯,佢有好多書同太多封面,好多根本見都未見過,因為佢啲書種出得太多太密,特別係鬼書,嗰時發行量少又冇人吼,去晒堆填區,剩低咪變成冷品囉

    回覆刪除
  6. 我有一本铁三郎之《小五虎》,仙女牌,未发现有印数。而我没有金童牌,未知是否此牌普遍做法。
    [版主回覆06/28/2012 08:17:13]唔係本本書或每個牌子都有印數嘅。而即使有亦未必比你見到,因為被啲書釘住,除非你專登拆咗啲書釘或啲釘歪就有機會見到。

    回覆刪除
  7. 13200本?銷量幾好喎
    [版主回覆06/28/2012 22:15:29]只係印數13200本,但賣咗幾多就唔知架!

    回覆刪除
  8. 如果佢而家肯做番就好啦!
    [版主回覆06/30/2012 12:21:36]而家己經冇晒啲"上官"一族嘅前輩畫家咯

    回覆刪除