2012年1月29日 星期日

情人節之月:劉雲傑。段段情濃

在接下的十多篇,都會配合情人節之月,介紹好多新、舊、冷、熱嘅港漫日漫"情書",這十多篇出場嘅主筆預計將有黃建偉、漢民、嚴志超、林海峯、劉雲傑、梁瑋豪、陳順康、司徒劍僑、李高、林祥焜、何志文、永仁、馮志明、狄克、雪晴、北京陳、葉明發、鍾國光、謝志榮...佢哋畫打書、鬼書大家見得多,但這些主筆曾幾何時都畫過唔少愛情故事,讓我們知道港漫曾經除了打書鬼書江湖書之外,還有好多"情書"可以選擇,
這批書,雖然唔係太耐歷史前,但係都屬於"熱門主筆嘅冷門作品",所以相信即使有、又或者好似我咁齊全嘅人唔會太多.....
"情書"也曾經是唔少主筆嘅另一條出路,可惜係香港嘅讀者大多數太過"偏食"、太過"慣性收視"打書,而扼殺、局限咗其他書種嘅發展,這種長期不良、不均衡發展,也就是港漫死因之一!而喺"情人節"嘅這些內容之中,就會睇到好多熟識嘅主筆都可以畫到愛情故事,只係須要大家俾多啲機會佢哋,睇黃玉郎馬榮成邱福龍之餘,也睇多啲其他主筆嘅書,睇打書之外,也睇返多少少其他題材!咁樣港漫就唔駛"吊鹽水"!

言歸正轉;港漫之中,愛情、言情漫畫曾與武打漫畫、鬼書鼎足而立,狄克、志文、崔成安、祖兒、劉雲傑、雪睛等等都係此類題材高手!
而其中劉雲傑可以喺日本國際漫畫大賽得金獎、一套"百份百感覺可以出到咁多個版本、兼可以拍成大收嘅電視劇同電影,真係無乜香港漫畫家可以做得到!劉雲傑,就係近代香港漫畫界最出色嘅一個天才嘅漫畫家!
喺佢畫"百份百"之前,呢套"段段情濃"單行本,真係正到爆晒燈!好開心香港仲可以出到咁勁嘅劉雲傑!仲可以見到劉雲傑堅持出非打書類漫畫!佢未能好似馬仔、邱褔龍咁成功,絕對同畫功、能力無關,只係佢寫畫速度不及、出品太少而己!
可以講無呢套"段段情濃"嘅成功,就根本唔會有百份百感覺嘅出現!"段段情濃"出版過好幾個版本,包括原裝版、精裝版、修訂本等,能够出過咁多版本嘅書,唔係咁多,亦都証明係好嘢。
P.S.劉雲傑,段段情濃亦係我推荐必看必收藏嘅20套港漫之一







"段段情濃"全套得20期完,可以講本本都咁正,自從劉雲傑嘅"百份百感覺"風行後,這套書己經好難揾返齊了!這裏有成20本,故不能逐本介紹,就只稍登封面及版頭...






















1-20期全版頭























段段情濃精裝版全套5本






下回:情人節第二擊,香港近代最受歡迎最多作品嘅女漫畫家-------------------雪晴

10 則留言:

  1. 愛情,人生於世,必須擁有,才算是有完整、豐富的人生歷程。^^
    [版主回覆01/30/2012 09:48:48]哈哈,癲兄今次又講得幾有"哲理",配合返我呢篇嘢^^!

    回覆刪除
  2. 食肉獸係"段段情濃"之前出
    [版主回覆02/01/2012 09:28:20]所以葉慶全有大量作品喺怪異集內
    [Jim Lai回覆01/31/2012 21:00:29]做過漢民助理仲有葉慶全.....
    [版主回覆01/31/2012 14:52:03]無錯!李志清都係,兩個都好快轉為主筆,漢民功不可抹!兩個都先後嬴得日本國際漫畫大賽第一二屆金獎!
    [偉回覆01/31/2012 13:39:52]原來佢做過漢民助理,相信佢都學咗唔少嘢
    [版主回覆01/31/2012 10:22:42]有四格,都有短篇故事,佢係早期怪異集漢民嘅助理之一
    [Jim Lai回覆01/30/2012 22:46:35]食肉獸喺漫畫少年56期左右連載,佢最早嘅作品係出現喺"怪異集"之內是否四格
    [偉回覆01/30/2012 12:34:07]食肉獸無記錯係「漫畫少年」內出嘅,其實嗰時畫風好有草稿feel,有點未完成便出街的感覺,但畫好當時來說很特別,我都看過一、兩回,不記得內容講咩了。
    [版主回覆01/30/2012 09:51:20]食肉獸喺漫畫少年內出架?係唔係?不過佢最早嘅作品係出現喺"怪異集"之內

    回覆刪除
  3. 除非薄庄,精庄或复刻要集齐一套不难。近十年有几本多作者之综合爱情漫画,都是潮华版或精装,不过每本维持时间也不长。
    [版主回覆01/30/2012 09:53:09]精庄或复刻系好易找到,但薄庄现时就好难找啦。

    回覆刪除
  4. 百份百無得頂,不過結局有點怪,但總算有頭有尾^^
    [版主回覆01/31/2012 10:20:27]睇佢啲畫係以賞心悅目嘅心情去形容!
    [oiman回覆01/30/2012 10:50:14]我都係簡唔中睇吓,但我有朋友追足咁多年,劉的畫功在香港主流漫畫當中的確很特別
    [版主回覆01/30/2012 09:55:27]百份百成套十幾本,居然可以畫咗成十年,都算誇張!

    回覆刪除
  5. 北京陳戀愛同盟,狄克情書,葉明發初戀十七
    [版主回覆01/31/2012 10:18:49]sorry!你估錯晒^^,今次唔會有以上各書介紹,歡迎再估^^

    回覆刪除
  6. 狄克 愛的故事,狄克戀曲...馮志明小姐,麗人連載...何志文 早期愛情故事,無可奉告,天若有情,新天若有情...司徒劍僑 戀之舞曲PARA PARA.....精裝..吳文輝 LONELY...曹志豪 戀愛星世紀....吳迪生 戀愛世紀...北京陳 夏日情未了
    [版主回覆02/01/2012 09:26:42]暫時只估中會有"麗人",不過"麗人"一套己包括咗好多主筆啦^^
    [Jim Lai回覆02/01/2012 00:43:14]何志文love story,十萬個愛情為什麼,夏級生

    回覆刪除
  7. 《段段情濃》我雖然唔係期期買,但睇返所有封面,原來都買了唔少…
    [版主回覆02/03/2012 09:29:57]呢本真係好嘢,我諗亦都好合你口味!

    回覆刪除
  8. 以前《漫畫少年》間中會推出全本都係愛情短篇的「情濃篇」,仲一定會用劉雲傑的畫做封面,通常「情濃篇」那期特別好賣…
    [版主回覆02/03/2012 09:32:38]係,老實講,以前我買《漫畫少年》唔係為咗睇許景琛,而係睇下有無劉雲傑啲嘢...

    回覆刪除
  9. 有段時間有個叫"祖傑"既主筆畫風好似劉雲,不過出現左一陣就消失左.
    [版主回覆02/03/2012 19:10:42]係喎!唔知係咪祖兒+劉雲傑風格,所以改"祖傑"筆名?

    回覆刪除
  10. 我早前才剛剛集齊5本合訂本,我都珍而重之
    你還保留薄裝本,厲害
    [版主回覆01/05/2013 14:05:36]我比較鍾意儲原裝嘅版本,不過合訂本都有,因為呢套書畫得非常之正

    回覆刪除