2011年10月3日 星期一

二毫子公仔書part 1

本來預告嘅"玉郎漫畫"因加入資料太多,制作須時,順延一期post上。
現暫由舊時二角公仔書頂上,亦係哈囉喂第三擊-----二亳鬼書!
以前二亳子時代,通常係一兩期完,超過十期己經係好"長篇",相比依家一套書閒閒地就超過百期,天下500期、黑豹成900期,龍虎門、李小龍,甚至古惑仔都過千期,稍為唔賣得就草草腰斬、稍為賣得都要拖長去留住讀者,這樣反覆殘舊用窮用盡嘅橋段同內容,對讀者也並非好事,對日漸萎縮嘅港漫市場更加不利!
所以論書種以前就真係多好多好多,二毫書嘅品種同題材,多到數之不盡,好多漫畫家用各種不同嘅筆名出書,陳小強、丁小香、夢妮、柳依依、上官小龍、上官思危、黄玄生、伍寄萍.....究竟出咗幾多本幾多套細書?多雜到根本無法统計!無人會清楚知道!相比馬榮成,一套中華英雄140多期、一套風雲500期就佔去大半個寫作生涯,其餘還有什麼作品,真係唔難去找尋!
而我收集嘅細書,都係以鬼怪書為主,以下只係其中幾本......

伍寄萍-碧血芳魂






玉棠-小鴕仙照田鷄








紫丁香-鬼筆勾魂





漫君-鬼婦產子




劍光-小鬼仔妖怪掃蕩戰




貼唔晒咁多本,幾本之中就選取這本登幾頁內文欣賞......







當年嘅鬼書內容同情節,不比現代差








鬼都識用手榴彈、機關槍,認真搞鬼








下期:玉郎漫畫part   1

10 則留言:

  1.                  好咸濕

    回覆刪除
  2. 所以我唔貼內文囉

    回覆刪除
  3. 大開眼界...
    [版主回覆10/04/2011 09:30:00]二毫書仔仲有好多,希望你仲意

    回覆刪除
  4. 咁樣照田鷄

    [版主回覆10/04/2011 09:31:00]咁血腥依家唔出得街架

    回覆刪除
  5. 以前d題材比較多元化~ 色情+血腥+暴力+神怪=大膽~!!
     
    [版主回覆10/04/2011 09:40:00]就係啲前輩畫家色情+血腥+暴力+神怪+大膽,題材多元化,才造就咗後來8、90年代港漫嘅繁盛時期,一统江湖!睇返依家啲題材咁窄,係咪該反思一下?做返少啲期數、搞返多啲題材啦.......搞到得返打書同江湖書,會比人笑架

    回覆刪除
  6. 两角小书多数一期完,且年代久远(每本都比我年长),很难统计,不知有否漫画迷或文化研究者整理资料。已将搜集所得资料放在 此处 ,尚未完成。 玉棠之作品和锁匙牌都不多见。金钱和胜利牌之鬼故,封面多数没注明作者。
    [版主回覆10/04/2011 09:50:00]你個網該係唯一有系统整理收集二亳書仔嘅網,唔錯噃!二亳書仔多如繁星又年代久遠,想统計得完整些真係難過登天!不過你嗰啲作者嘅作品,我仲有唔少,希望到時可以富豐到你嗰统計網啦!

    回覆刪除
  7. 好睇好睇
    [版主回覆10/04/2011 09:52:00]多謝光臨,請繼續欣賞

    回覆刪除
  8. 現代釋譯既"照田雞"同以前睇相既定位真係唔同哂~~ 又係個句,"年代大倒退!!"而家d書重保守過兒童樂園.
    [版主回覆10/04/2011 09:58:00]睇下上面"鬼筆勾魂"個封面就知啦,依家仲出唔出得??,所以話依家啲市場搞到每况愈下不無原因

    回覆刪除
  9. 重有,得閒既話羅本"貓目小僧"對下,一定搵到佢孖生細路.
    [版主回覆10/04/2011 10:08:00]"貓目小僧"?好彩我都有,對照一下啦!
    不過雖然係抄,但都要讚一下,依家港漫邊有人會咁傻咁大胆用咁丑嘅妖怪做主角先?

    回覆刪除
  10. 呢D書入手好因難,亦無一定的市場價,本數亦無從查證,總之遇到後,價錢又可接受的,我都會購買,因真係好難遇到,特別是鬼古.
    [版主回覆10/06/2011 13:46:00]除咗少數出名嘅幾個作者之外,其他都唔會太貴,只係比較少見啲

    回覆刪除