2011年10月11日 星期二

上官小龍-妬火

上官小龍係上官小寶兄弟,我一向都好鍾意睇佢啲鬼書,係另有一種味道,其實睇呢啲書,唔可以單單以公仔靚丑同畫功去衡量作為取捨,這樣就會令自己變得非常狹窄乏味,也就必然會錯過了好多好嘢!有時啲書故事同劇情,加埋懷舊因素,己經係無可替代!
上官小龍以前著有好多鬼書,但現時市面上己係難得一見,而呢本8毫子裝橫版書,加埋講縣疑偵探推理故事為題材,就更少見了!
本書三個故事:妬火、百密一疏、情殺。





















如無意外,下回就會被強制性升級啦,在新嘅升級版之中,可能須要啲時間適應,所以接下來幾篇會先出返啲一兩本完嘅舊書,做下熱身先。然後第二輪包括馮志明、劉雲傑、崔成安、利志達、何志文、邱福龍、黄玉郎、鄭問、馬榮成、上官小寶、漢民、上官小強、狄克、張萬有、千葉徹彌、手塚治蟲等等嘅套裝舊嘢都會接住出場。
下回在升級版見

12 則留言:

  1. 我看漫畫跟你有點不同, 漫畫家畫的公仔靚唔靚都好影響我對一本漫畫的感覺。直到今天我對我認為畫漫畫唔靚的漫畫家, 就算故事很好, 最多只會看其書, 但絕少會收藏,所以我可以不用收藏大多的舊漫。
    [版主回覆10/12/2011 09:52:00]鍾意靚嘅公仔、專注於對某個作者收集也大有人在,每個人儲嘢嘅習慣同方式都有唔同。其實我以前都好似你咁,唔靚嘅公仔書只看不存,中華英雄只要馬仔嗰段,龍虎門只存留中後段,但心態己經隨着時間改變咗,我會去欣賞保留更多其他不同嘅作品,對有劇情、內容、故事性會更注重。我儲馬仔黃玉郎邱福龍,又有上官小强上官小龍等等......就會覺得更加完美開心,所以每個人儲嘢只要按着自己喜愛嘅方式同能力就OK

    回覆刪除
  2. 我的看法同你一樣,只要係用心制作.....公仔靚丑真係其次
    [版主回覆10/12/2011 10:05:00]係呀,睇一本書,睇埋佢內容、故事劇情嘅吸引情、表達手法同制作,真係好重要。至於公仔靚唔靚,都只係决定本書成功嘅其中一項因素啫,"漫畫之神"手塚、藤子不二雄、蠟筆小新作者、安達充啲公仔都唔係最靚,但係佢哋嘅作品既長壽又係至高銷量

    回覆刪除
  3. 主角似小寶嘅李小龍喎
    [版主回覆10/12/2011 10:10:00]兩兄弟似似哋唔出奇,但上官小龍啲公仔其實好有特色,一睇就知係佢畫嘅

    回覆刪除
  4. 讀者睇一本漫畫容易~ 畫一本漫畫何其困難,度橋、起稿、落墨...工序繁多,填頭髮一筆筆唔手震都係難事~!!
    [版主回覆10/12/2011 10:15:00]無錯!所以俾多啲支持佢哋,令佢哋可以維持落去,咁至可以培育出多啲漫畫精英,對我哋啲讀者都有利啦

    回覆刪除
  5. 我認同你,如漢民的畫功當年比不上馬仔,但現在睇番竟然別有一番味道,上官小龍也是一樣,畫功麻麻,但那種情懷真得難以取替.
    [版主回覆10/14/2011 10:25:47]無錯,每個人都有自己唔同風格,揀多啲唔同畫風嘅作者去欣賞,就一定會揾到更多趣味!

    回覆刪除
  6. 估计是全宇宙仅余一本之作品。感觉这漫画颇多场景,似乎页页有地板。
    [版主回覆10/14/2011 10:28:53]以前啲書真係幾有心機,啲格數又多又密,場景格格畫到足,又有氣氛,够晒低睇!

    回覆刪除
  7. 由於助理班底,以上的小龍作品重見得下人,直版的則...唉
    [版主回覆10/14/2011 18:51:07]其實佢啲作品我都幾鍾意,個人覺得比小威好啲添。眱!點解你個blog無咗嘅??

    回覆刪除
  8. http://hk.myblog.yahoo.com/calvinqq160275/

    回覆刪除
  9. 怪異集後期
    有一個主筆我國幾鐘意
    叫做''陳學海''好有個人家風格

    回覆刪除
  10. 陳學海畫咗好多期怪異集,我係非常非常之鐘意!

    回覆刪除
  11. 肥良公仔差,不過海虎一定係經典,馬sir手畫天下無敵,不過天下一定係......
    有點不明白,書名是「拓火」(我讀書小,唔識「拓火」點解),但圖二右上角有大字「妒火」,係咪封面搞錯了?

    回覆刪除
  12. 馬sir啲畫係公認靚,但佢編寫啲劇情同故事就......妬火與妒火都係相通嘅。

    回覆刪除